الدكوه..أو زبدة الفول السوداني: Peanut Butter

**الدكوه..أو زبدة الفول السوداني: Peanut Butter





1-للتخلص من اللبان العالق بالشعر:
الحركة دي طبعاً أكتر شئ عند الشفع الصغار..لو حصل وجاكى طفلك واللبانه متلصقه ليهو في شعرو..امسحي كميه من الدكوه على الشعر وافركي اللبانه حتلقيها طلعت بسهوله..طبعا الشعر حيكون ريحتو بقت دكوه دكوه ..لاكين أخير من اللبان المتلصق!!..مش؟



2-لإزالة علامة السعر من على المنتج: Price Tag
عند شرائنا لأشياء أحيانا نجد علامه ملصقة موضح عليها السعر..وعند نزعها يبقى الصمغ وبقايا الورق لاصق ..لازالته..امسح بقليل من زبدة الفول السوداني فوق الورق اللاصق وستزول العلامه ..


3-شرّكوا بيها للفيران!!!:
عادة بنستخدم الطماط أو البصل في شرك الفأر..بس الجماعه ديل بيقولو إنو الفار ما بيقاوم الدكوة..يعني بدل الطماطم والبصل البقو غالين ديل ممكن نخت قطعة من الدكوه في الشرك!!!..


4-للتخلص من رائحة السمك:



عند قلي السمك تنبعث فى أرجاء البيت رائحة نفاذة ..للحد من انبعاث هذه الرائحه..ضعي قطعه من الدكوة على المقلاة أثناء القلي..حتمتص رائحة السمك..وتمنع من انتشارها فى أرجاء المنزل.


5-


لمنع الآيسكريم من التسرب من خلال كوب البسكويت..ضعي قطعه من زبدة الفول السوداني في أسفل الكوب من الداخل.